Diary

Desch isch echt de Hammer! Bärmesens hats jawohl echt mol widda gschafft. Ä wunnerbares Spiel. Also des vun de Bärmesenser. Des Spiel vun de Bremer war jo mol echt Scheiße. Des hat nix gbrocht. Awwer mittlerweil bin ich glääb ich echt ä echter "Klub"-Fan gworre. Wunnerbares Spiel, volles Stadion un in de zwäde Rund wern die bayern gebutzt. So wies sich ghert. Geschern war ich in Gleiszelle. Ganz toll dort. So wie immer. Awwer es war echt luschdisch mit em Begga,Rinck, em Maddin, Eva un Marc, Dausch un de Alex Schäfer, dann isch nochd d'lydia kumme un de komisch Alex der glääb ich bei mir irchendwo in irchenwelle Kurse isch. Awwer der isch echt okay. Sau luschdisch der Freak. Hab dann bei Maddin iwwernachde derfe. Des hat mich echt super gfräät, noch mol ä herzliches Dankeschää an sei Eldre, denn des war sau kurzfristig. Und dann hats subba Frihstick gewwe und ich han dann heit morchen noch ä bissl uff em Dach gholfe. hat sau Spass gemacht. Mittlerweil isch es sped un ich wär jez echt gern in Gleiszelle, mei Keks soll sich ageblich do rumtreiwe. Ich winsch ihr noch ä toller Owend. Ich lieb dich. Un nun isch ach Mary-Lou glicklich, denn da ich versucht hab Pälzisch zu schreiwe, hatses vermutlich ach verstanne. Fräät mich fer dich. Neie Links sin online un funktionsfähich. Design änner ich jez noch ä bissl. Aller dann, Nacht

[Kommentare (5) | Kommentar erstellen | Permalink]